Нашата визија е за демократско општество со граѓански концепт, во кое граѓаните се слободни со мисла и говор и каде владеењето на правото е од централно значење за општеството во кое живееме.
Нашата мисија е да создадеме концепт за враќање на демократијата во нејзиното вистинско значење и место преку слободно и активно учество на граѓаните, а особено на младите, во процесот на креирање политики и носење на одлуки кои се од интерес на општествената заедница.
Наши главни цели се:
- Јакнење на капацитетот на граѓаните и граѓанските организации
- Развивање на свеста кај граѓанинот за можноста да прави промени во системот на вредности во општеството
- Да го премостиме јазот помеѓу вештините и учеството во креирањето на јавните политики
- Да ги охрабриме граѓаните а особено младите луѓе да одиграат активна улога во креирањето на политиките во интерес на општеството.
- Промовирање на политичка писменост, социјално и морално разбирање и активно учество во општеството и заедницата.
- Поттикнување на национална и регионална мултикултурна и мултиетничка соработка
- Европеизација
- Инвестирање и градење на сопствените капацитети како одговор на актуелните предизвици во општеството
Наши главни задачи се:
- Учество во промоција и поддршка на процесот на донесување на одлуки и јавни политики
- Активна соработка со сите меѓународни, тинк тенк, невладини организации, фондации и здруженија на граѓани, правни и физички лица, државни тела, институции и приватен сектор, со цел реализација и постигнување на целите на организацијата
- Развивање на проекти, независни истражувања, настани, дискусии и јавни дебати.
- Активно следење на европски трендови за постојана надградба со најновите методи и техники за постигнување на целите на организацијата
