Здружението на граѓани НЕКСУС Граѓански концепт Скопје – има потреба од ангажирање на Програмск/а/и координатор/ка со искуство во ефективен менаџмент, планирање, координација, имплементација и евалуација на програмски и проектни активности во организацијата. Позицијата предвидува полно работно време (40 часа неделно). Позицијата овозможува личен развој и надградба и динамична работна средина.
Предвидени задачи (опис на позицијата)
- Задолжен/а за целосна и навремена имплементација на проектните и програмските активности и за постигнување на предвидените цели на програмата за работа на организацијата;
- Координација на административните и оперативните текови во согласност со дефинираните организациски цели и стратегии;
- Координација на персоналот во организацијата, спроведување периодична евалуација и подготовка на планови за развој;
- Координација и учество во процесот на подготовка на стратешките документи на организацијата и придонес во развојот и имплементацијата на сродните планови, политики и процедури;
- Подготовка на годишниот извештај и план на работа на организацијата во соработка со Претседател/ката;
- Учество во подготовка на релевантни проектни апликации и обезбедување на фондови;
- Одржување и градење партнерства со релевантни национални и меѓународни чинители;
- Учество и претставување на организацијата на конференции, обуки и други настани во и надвор од земјата;
- Извршување други слични задачи во согласност со потребите на организацијата.
Kвалификации:
Образование и работно искуство
- Завршени најмалку додипломски студии во полето на политички науки;
- Доколку додипломските студии се во друга област, релевантното работно искуство ќе биде земено предвид;
- Најмалку 5 годишно работно искуство кое вклучува менаџирање на програми и/или проекти во областа на превенција и справување со насилен екстремизам, младински политики, ЕУ интеграција и/или блиски сродни области;
- Искуство во спроведување на анализи и истражувања (квалитативни и квантитативни);
- Работно искуство во мониторинг и евалуација на програми и проекти;
- Искуство во спроведување на обуки и консултантски услуги;
- Работно искуство во граѓанска или меѓународна организација ќе се смета за предност.
Познавање на странски јазици
- Одлично познавање на албански и англиски јазик;
- Познавање на некој од јазиците на другите етнички заедници ќе се смета за предност
Знаење и други вештини
- Одлично познавање на програмски и проектен менаџмент и процедури за организациски развој;
- Докажани способности за планирање, организација и имплементација на активности од зачеток до финално известување;
- Ориентираност кон детали, висока ефикасност, проактивност и висока исполнителност;
- Одлични меѓучовечки и комуникациски вештини, лидерски и мотивациски способности;
- Способност за тимска работа во средина во која се почитуваат и промовираат различностите;
- Запознаеност со политичкиот контекст во државата, особено во областите на делување на организацијата;
- Напредно познавање на MS Office: Word, Excel, PowerPoint и социјални мрежи
Работно време:
- Од понеделник до петок од 09-17 ч.
Како да се пријавите
За да се пријавите, Ве молиме доставете:
- CV (на англиски јазик);
- Мотивациско писмо (на англиски јазик) за Вашиот интерес и квалификации за позицијата, во кое би сакале да прочитаме за тоа како Вашето досегашно работно искуство е релевантно за потребните знаења, вештини и работните задачи предвидени за оваа позиција (не повеќе од 500 зборови).
Вака подготвената пријава треба да ја испратите по електронски пат на nexus.civil.concept@gmail.com со наслов ПРОГРАМСКА КООРДИНАТОРКА/ПРОГРАМСКИ КООРДИНАТОР.
Рокот за пријавување е 20 јули, 2021 година до 16:00 часот.
Само кандидат/к/ите кои ќе ја поминат првата фаза на разгледување на пријавите ќе бидат
контактирани и повикани на интервју.